SINGIDA YAANZA MCHAKATO WA KUWEKA ANUANI ZA MAKAZI

“MPANGO wa kuweka mabango ya anuani za makazi na postikodi usifanywe kisiasa bali ufuate taratibu na sheria zilizowekwa”.

Wito huo umetolewa na Mkuu wa Mkoa wa Singida Dkt. Rehema Nchimbi wakati akifungua mafunzo ya utekelezaji wa mfumo wa anuani za makazi na postikodi kwa watendaji wa mamlaka za Serikali za mitaa mkoani Singida Novemba 5, 2019 yaliyoandaliwa na Mamlaka ya Mawasiliano Tanzania (TCRA).

” Suala ili naomba lisifanywe kisiasa lifuate sheria na taratibu zilizopo kwani katika maeneo mengine lilichelewa kufanyika kutokana na wanasiasa kutaka majina yao yawekwe kwenye vibao vya mitaa” alisema Nchimbi.

Alisema mpango huu wa kitaifa ni muhimu sana kwani unasaidia wakati wa matukio ya dharura kama moto, sambamba na yale ya kuwafuata wagonjwa katika maeneo yao.

Alitaja faida nyingine kuwa utaweka vizuri mipango miji katika maeneo wanayoishi wananchi, utapunguza migogoro ya ardhi, na utasaidia katika utambuzi wa watu wanapoishi na kuwezesha kupata huduma

za kijamii kwa urahisi.

Dkt. Nchimbi alitumia nafasi hiyo kuwaomba wataalamu wa mkoa wa Singida ambao wamepata mafunzo hayo kwenda kufanya kazi hiyo kwa bidii na weledi huku wakiweka maslahi ya Taifa mbele.

Mkuu wa Mamlaka ya Mawasiliano Tanzania (TCRA) Kanda ya Kati, Antonio Manyanda alisema TCRA imekuwa ikitekeleza majukumu yake katika mradi huo kama ilivyoelekezwa katika sera ya Taifa ya Posta ya mwaka 2003 ambayo inalenga kuboresha maisha ya watanzania kwa kupambana na umaskini.

Alisema mpango huo ulianza katika jiji la Arusha ambapo baadhi ya kata ziliwekewa miundombinu ya anuani kama sehemu ya mfano (pilot) na baada ya hapo uliendelea katika jiji la Dodoma ambapo ushahidi wa miundombinu umeonekana.

MATUKIO KATIKA PICHA

 

Katibu Tawala Mkoa wa Singida Dkt. Angelina Lutambi, akizungumza wakati wa mafunzo hayo.

Afisa Mwandamizi wa TCRA, Dorice  Mhimbira, akizungumza wakati wa mafunzo hayo.

 Washiriki wa mafunzo hayo wakipasha (changamsha mwili).

Katibu Tawala Msaidizi Michael Moses Ole-Mungaya kizungumza wakati wa mafunzo hayo.

Mafunzo yakiendelea. 

Afisa TEHAMA ofisi ya Mkuu wa mkoa wa Singida Bw. Athumani Simba, akizungumza wakati wa mafunzo hayo.

 Afisa Masoko wa TCRA Makao makuu, Abdulrahaman Millas Issa, akitoa mada kuhusu anuani za makazi na postikodi.

 Mafunzo yakiendelea.  

 PICHA YA PAMOJA

 Washiriki wa mafunzo hayo wakielekea Mtaa wa Ipembe mjini Singida kwa ajili ya mafunzo kwa vitendo.

 Afisa Masoko wa TCRA Makao makuu, Abdulrahaman Millas Issa, akitoa mada kuhusu anuani za makazi na postikodi.

Habari zaidi tembelea tovuti: www.singida.go.tz