Sunday, September 15, 2019

WALIMU MKOANI SINGIDA WAPONGEZWA KWA KUSHIKA NAFASI YA PILI KITAIFA KATIKA MATOKEO YA KIDATO CHA SITA MWAKA HUU 2019.

Mkuu wa Mkoa wa Singida Dkt. Rehema Nchimbi akikabidhi zawadi kwa Mkuu wa shule ya Sekondari ya Mwanamwema Shein Mwalimu Zainabu Mtinda kwa kufanya vizuri katika matokea ya kidato cha Sita mwaka huu.

SERIKALI ya Mkoa wa Singida imewapongeza walimu na wanafunzi kutoka shule mbalimbali zilizopo mkoani Singida kwa kufanya vizuri katika matokeo ya kidato cha sita mwaka huu 2019 hadi kupelekea kushika nafasi ya pili kitaifa kati ya shule 29 zilizopo Tanzania bara na Visiwani. 

“HONGERA SANA KWA MAFANIKIO MAKUBWA HAYA AMBAYO MUNGU AMETUWEZESHA”. Dkt. Rehema Nchimbi

Akizungumza wakati wa ufunguzi wa hafla hiyo, Mkuu wa Mkoa wa Singida Dkt. Rehema Nchimbi amesema, uwalimu ni wito, ni lazima uwe na uhusihano wa moja kwa moja na Mungu, kazi ya ualimu ni kazi Takatifu na sio kila mtu anaweza kuwa mwalimu.

Amesema, Mwalimu lazima awe mwenye huruma, mwalimu wakati wote lazima awe mlinzi katika nafasi pana. Mwalimu ni kiunganishi, anaunganisha ubao na darasa, anaunganisha yaliyopo kichwani kwake na wanafunzi.

 “Ualimu ni usuruhishi, mwalimu ni mpatanishi, ukimuona mtoto hajapatanishwa vizuri na mazingira yanayomzunguka ujue kuna changamoto ya uwalimu” Dkt. Nchimbi

Amesisitiza kuwa, Saikoloji inasema hakuna binadamu asiyefundishika, hivyo, kufeli kwa mwanafunzi ni kufeli kwa mwalimu, “Mwalimu hata siku moja hafurahishwi na matokeo mabaya ya mwanafunzi wake bali hufurahishwa na matokeo mazuri (chanya) ya mwanafunzi wake”.

Aidha, ametoa wito kwa Wakurugenzi na Maafisa Elimu wa ngazi mbalimbali mkoani Singida kuwa karibu na walimu kwa kutenga muda wa kuwasikiliza  pindi wafikapo maofisini kwao. 

Kwa upande wake Katibu Tawala wa Mkoa wa Singida Dkt. Angelina Lutambi, amesema Walimu ndio wanaoweza kututengenezea Taifa au kutuharibia, kwa sababu ndiyo wanaoshiriki katika malezi ya mtoto katika nyakati zote za makuzi yake. 

Aidha, Dkt Angelina Lutambi, ametoa wito kwa walimu kujitokeza kwa wingi katika kushiriki mashindano mbalimbali ya kitaaluma pindi yanapoandaliwa ili kuongeza tija katika sekta ya elimu mkoani Singida na Taifa kwa ujumla.


Naye, Afisa Elimu wa Mkoa wa Singida Mwl. Nelasi Mulungu amesema, mikakati iliyotumika na kuendelea kufanya vizuri katika mitihani ya kidato cha sita kila mwaka ni kufanya vikao vya pamoja na wakuu wa shule ambapo kila mkuu wa shule hueleza na kuwasilisha mikakati waliyojipanga kwa kila shule ambayo inahakikisha kuwa ufaulu unakuwa ni daraja la kwanza na la pili.

Aidha, Kufanya Majaribio kwa kila wiki, na baadhi ya shule wana wastani wa shule ambapo asiyeufikia wastani huo hupewa adhabu zenye kuwasukuma kuhakikisha kuwa kila mmoja anafanya vizuri mfano, kupewa mazoezi ya kutosha ili kuwafanya muda mwingi wawe wanajisomea.

Akisisitiza zaidi amesema, Wamefanikiwa kudhibiti utoro kwa kuhakikisha kuwa wakati wote wanafunzi wapo shuleni  na darasani wanajifunza. Kuhakikisha kila mwalimu anakamilisha mada zote kwa wakati.


"Mkakati mwingine ni Kudumisha nidhamu kwa walimu na wanafunzi ili ufundishaji na ujifunzaji uweze kwenda vizuri na kwa kujituma". Mwl. Mulungu

MATUKIO KATIKA PICHA
Afisa Elimu wa Mkoa wa Singida Mwl. Nelasi Mulungu akizungumza

Kikao kikiendelea


 Afisa Elimu wa halmashauri ya Wilaya ya Ikungi Mwl. Ngwano Ngwano akizungumza

Mkuu wa shule ya Sekondari ya Mwenge Mwl. Samweli Kasnshema akizungumza

Katibu Tawala wa Mkoa wa Singida Dkt. Angelina Lutambi (kulia) akimpongeza Mkuu wa shule ya Sekondari Mwanamwema Shein Mwl. Zainabu Mtinda, kwa kufanya vizuri katika matokeo ya kidato cha sita mwaka huu 2019.

Imetolewa na;
Kitengo cha Habari na Mawasiliano
Ofisi ya Mkuu wa Mkoa
SINGIDA

Monday, August 26, 2019

MWENGE WA UHURU 2019 WAKABIDHIWA RASMI MKOANI TABORA


Mkuu wa Mkoa wa Singida Dkt. Rehema Nchimbi, akimkabidhi Mwenge wa Uhuru Mkuu wa Mkoa wa Tabora Mhe. Agrey Mwanri.

Serikali ya Mkoa wa Singida imekabidhi rasmi Mwenge wa Uhuru kwa Mkoa wa Tabora 26 Agosti, 2019 ambapo  katika mkoa wa Singida Mwenge wa Uhuru umetembelea miradi 46 iliyohusu Sekta za Elimu, Afya, Mazingira, Maji, Utawala Bora, Kilimo, Ushirika, Biashara, na Programu za mapambano dhidi ya Dawa za Kulevya, Malaria, Rushwa, Elimu ya Mpiga kura na UKIMWI. Miradi yote iliyokuwa inapitiwa na Mwenge wa Uhuru ilikuwa na thamani ya shilingi Bilioni 9,462,470,874.
Akizungumza wakati wa kubadhiwa Mwenge wa Uhuru Mkuu wa Mkoa wa Singida Dkt. Rehema Nchimbi,  amesema miradi 12 ilikuwa inazinduliwa, miradi 2 ilikuwa inafanyiwa ufunguzi, miradi 10 ilikuwa inawekewa jiwe la msingi na miradi 22 ilikuwa inakaguliwa na kutembelewa.

Dkt. Nchimbi amesema, “Wananchi wa Mkoa wa Singida wameupokea vema ujumbe wa Mwenge wa Uhuru mwaka 2019 ambao umetolewa maeneo mbalimbali ya Wilaya za Mkoa wa Singida ambao ni: MAJI NI HAKI YA KILA MTU, TUTUNZE VYANZO VYAKE NA TUKUMBUKE KUSHIRIKI UCHAGUZI WA SERIKALI ZA MITAA”.

Aidha, Mkuu huyo wa mkoa wa Singida amesema, katika jitihada ya kuongeza huduma za Maji Mijini Mkoa wa Singida katika Miji ya Singida, Manyoni na Kiomboi imeingizwa kwenye Mradi Mkubwa wa Kitaifa utakaotekelezwa katika Miji 29 Tanzania kwa fedha za mkopo wenye masharti nafuu kutoka Serikali ya India.

Amesema, katika Mkopo huo Miji ya Singida, Manyoni na Kiomboi imetengewa jumla ya shilingi 87 Bilioni. Hadi hivi sasa mtaalamu mshauri aliyeingia mkataba na Serikali kwa ajili ya kuandaa nyaraka za mradi huo anaendelea na kazi.

“Kipekee kwa niaba ya Uongozi wa Serikali, Wananchi, Marafiki na Wapenzi wote wa Mwenge wa Uhuru nikupongeze Ndugu Kiongozi wa mbio za mwenge wa Uhuru na Wakimbiza Mwenge wa Uhuru Kitaifa kwa kazi kubwa na iliyotukuka ambayo mmeifanya kwenye Mkoa wa Singidda na Mikoa mbalimbali kwa Umakini, Umahiri, Weledi na Uzalendo mkubwa” amesema Dkt. Nchimbi.

Hata hivyo, Mkuu huyo wa mkoa wa Singida amewashukuru na kuwapongeza Vijana wote Wakimbiza Mwenge wa Uhuru Kimkoa, Wilaya pamoja na timu zao, viongozi, Maaskari, Madereva na Wananchi wote kwa ujumla kwa kufanikisha kazi hii.
  
Kiongozi wa Mbio za Mwenge wa Uhuru Kitaifa Ndugu Mzee Mkongea Ali, akizungumza na Wananchi waliojitokeza kusikiliza ujumbe wa Mwenge wa Uhuru 2019.

Kwa upande wake kiongozi wa mbio za mwenge wa Uhuru kwa mwaka 2019 Ndugu Mzee Mkongea Ali, amewashukuru Watendaji wote wa Mkoa wa Singida kwa ushirikiano wa dhati walioupata wakati wote walipokuwa katika Wilaya za Mkoa wa Singida.

Pia amewapongeza kwa miradi mizuri ya maendeleo tumeona kwa namna gani mnavyopaambana na adui ujinga tumeona viwango vizuri vya shule, tumeona kwa namna gani ambavyo mnapambana na adui maladhi tumeona vituo vya afya vyenye viwango ya hali ya juu, tumeona kwa namna gani mnavyopambana na adui maskini tumeona kwa namna gani asilimia 10 inavyomfikia mlengwa" Amesema Ndugu Mzee Ali Mkongea.

 Akihutubia kwa nafasi mbalimbali, Ndugu Mzee Mkongea, Kiongozi wa Mbio za Mwenge wa Uhuru Kitaifa, ametoa wito kwa Wananchi kujitokeza kwa wingi katika uchaguzi wa Serikali za Mitaa kwa kwenda kupiga kura kwa amani na usalama, kujitokeza kwenye mikutano ya kampeni ili kwenda kusikiliza sera, ili kuweza kumpima kiongozi kama anafaa au hafai.

"Hivyo nichukue fulsa hii, kuwasihi kwenda kuchagua viongozi bora waadilifu, waaminifu ambao wana kariba kama ya Mheshimiwa Rais Dkt. John Pombe Joseph Magufuli." Amesema Mkongea.

MATUKIO MBALIMBALI KATIKA PICHA









Katibu Tawala wa Mkoa wa Singida Dkt. Angelina Lutambi, akiagana na Mkimbiza Mwenge wa Uhuru Kitaifa 2019 mara baada ya makabidhiano ya Mwenge wa Uhuru.

Mkuu wa Mmkoa wa Singida Dkt. Rehema Nchimbi (wa pili kutoka kulia) akiagana na Wakimbiza Mwenge wa Uhuru Kitaifa 2019 mara baada ya makabidhiano ya Mwenge wa Uhuru.


 
  Watendaji mbalimbali wa Serikali ya Mkoa wa Singida wakiwa katika picha ya pamoja na Wakimbiza Mwenge wa Uhuru Kitaifa 2019 mara baada ya makabidhiano ya Mwenge wa Uhuru.

 (Kutoka kushoto) Mkuu wa Mkoa wa Tabora Mhe. Agrey Mwanri, Mkuu wa Mkoa wa Singida Dkt. Rehema Nchimbi, Mbuge wa Iramba Magharibi Dkt. Mwigulu Nchemba (MB), wakiwa katika picha ya pamoja mara baada ya makabidhiano ya Mwenge wa Uhuru 2019.

 Katibu Tawala wa Mkoa wa Singida Dkt. Angelina Lutambi (wa kwanza kushoto), akiwa katika picha ya pamoja na Watendaji wa Mkoa wa Singida mara baada ya makabidhiano ya Mwenge wa Uhuru 2019.


Mkuu wa Wilaya ya Singida Mjini Mhandisi Pascas Muragili akisalimiana na Mkuu wa Mkoa wa Tabora Mhe. Agrey Mwanri, mara baada ya makabidhiano ya Mwenge wa Uhuru 2019. Kutoka kulia ni Mkuu wa Mkoa wa Singida Dkt. Rehema Nchimbi.

Mkuu wa Mkoa wa Tabora Mhe. Agrey Mwanri, akiwaaga Wananchi wa Mkoa wa Singida mara baada ya makabidhiano ya Mwenge wa Uhuru 2019.

KWA KHERI MWENGE WA UHURU 2019 MKOA WA SINGIDA!!!

Imetolewa na;
Kitengo cha habari na mawasiliano
Ofisi ya Mkuu wa Mkoa 
SINGIDA

Monday, August 19, 2019

MWENGE WA UHURU 2019 WAPOKELEWA KWA KISHINDO MKOANI SINGIDA

Mkuu wa Mkoa wa Singida Dkt. Rehema Nchimbi akipokea Mwenge wa Uhuru 2019 kutoka kwa Mkuu wa Mkoa wa Dodoma Dkt. Bilinith Mahenge

Serikali ya mkoa wa Singida inayoongozwa na mkuu wa Mkoa huo Dkt. Rehema Nchimbi, kwa kushirikiana na wananchi wa Singida, mapema leo 19/08/2019 wameupokewa Mwenge wa Uhuru ukitokea mkoani Dodoma.

Akizungumza wakati wa mapokezi hayo, Mkuu wa Mkoa wa Singida Dkt. Rehema Nchimbi amesema, Mwenge wa Uhuru 2019, Katika Mkoa wa Singida utakimbizwa kwa muda wa siku 7 katika Halmashauri 7 kwa kuanzia na Halmashauri ya Wilaya ya Manyoni leo tarehe 19 Agosti, 2019 na utahitimisha mbio zake mnamo tarehe 25 Agosti, 2019 na tarehe 26 Agosti, 2019 utakabidhiwa mkoani Tabora.

Dkt. Nchimbi amesema kuwa, katika Mkoa wa Singida Mwenge wa Uhuru utakimbizwa jumla ya Kilometa 804.8, utapitia jumla ya miradi 46 inayohusu Sekta za Elimu, Afya, Mazingira, Maji, Utawala Bora, Kilimo, Ushirika, Biashara, na Programu za mapambano dhidi ya Dawa za Kulevya, Malaria, Rushwa, Elimu ya Mpiga kura na UKIMWI.

Amesema, Miradi 12 itazinduliwa ambapo miradi 2 itafanyiwa ufunguzi, miradi 10 itawekwa jiwe la msingi na miradi 22 itakaguliwa na kutembelewa. Miradi yote itakayopitiwa itakuwa na thamani ya Shilingi za Kitanzania 9,462,470,874/=.

Aidha, Dkt. Nchimbi amemhakikishia mkimbiza Mwenge wa Uhuru 2019 Kitaifa Ndugu Mzee Mkongea Ali, kuwa Serikali ya Mkoa wa Singida imejipanga vema katika kuhakikisha inatokomeza na kumaliza kabisa mizizi ya Rushwa, Madawa ya Kulevya, UKIMWI na Malaria kwa kutambua na kupokea Ujumbe mwambatano wa Mapambano dhidi ya Rushwa, chini ya kaulimbiu, “Kataa Rushwa Jenga Tanzania”.

Pia, Mapambano dhidi ya Dawa za kulevya, chini ya kaulimbiu “Shiriki kutokomeza Malaria kwa manufaa ya jamii”. Mapambano dhidi ya UKIMWI chini ya kaulimbiu “Mwananchi Jitambue, Pima afya yako sasa”.

“ Napenda kuwakaribisha rasmi Mkoani Singida vijana wetu wakimbiza Mwenge wa Uhuru 2019 Kitaifa” Dkt. Nchimbi

Awali, Dkt. Nchimbi, kwa niaba ya Serikali ya Mkoa wa Singida pamoja na wananchi wote, alianza kwa kutoa salamu za pongezi kwa Mheshimiwa Rais wa Jamhuri ya Muungano wa Tanzania Dkt. John Pombe Magufuli  na Serikali ya Awamu ya Tano kwa moyo wa upendo, kusimamia rasilimali za nchi, kudhibiti wizi na ubadirifu, kuongoza vema, kusimamia utekelezaji wa Agenda kubwa za Kitaifa zikiwemo; Ununuzi wa Ndege, Umeme wa Bwawa la Mwalimu Julius Nyerere, Ujenzi wa Reli ya Mwendokasi, Elimu Bure, kutuimarisha katika undugu na Nchi za SADC, Afrika Mashariki, Afrika na Dunia.

Katika hatua nyingine, Mkuu huyo wa Mkoa wa Singida ametoa fedha kiasi cha Shilingi za Kitanzania Laki moja na shilingi 40 elfu kwa ajili ya kuboresha vyoo vya shule ya msingi Sanza. Fedha hizo zilipatikana wakati mkuu huyo wa Mkoa akiimba wimbo wa kuiburudisha jamii na kuielimisha juu ya Mwenge wa Uhuru 2019, wimbo uliopelekea jamii kuguswa na kuweza kumtunza Mkuu huyo wa Mkoa.
Wimbo
“Mwenge wa Uhuru … unaleta Amani”
“Mwenge wa Uhuru … unalea Upendo”...

MATUKIO KATIKA PICHA





















Mapokezi haya yamefanyika katika Kijiji cha Sanza, Halmashauri ya Wilaya ya Manyoni na kupambwa na wakimbiza Mwenge wa Uhuru Kitaifa 2019

1. Ndugu Mzee Mkongea Ali - Kutoka Mjini Magharibi (Kiongozi)
2. Ndugu Latifa Khamisi Juwakali - Kutoka Kusini Unguja
3. Ndugu Haji Abdulla Hamad - Kutoka Kaskazini Pemba
4. Ndugu Kenani Laban Kihongosi - Kutoka Iringa
5. Ndugu Malugu Benard Mwanganya - Kutoka Lindi
6. Ndugu Nkwimba Madirisha Nyangogo - Kutoka Songwe

Imetolewa Na;
Kitengo cha Habari na Mawasiliano 
Ofisi ya Mkuu wa Mkoa
SINGIDA

Thursday, June 13, 2019

RC SINGIDA APONGEZA HALMASHAURI ZA MKOA WA SINGIDA KWA KUPATA HATI SAFI KWA MWAKA WA FEDHA 2017/2018.

Mkuu wa Mkoa wa Singida Dkt. Rehema Nchimbi pamoja na Katibu Tawala wa Mkoa wa Singida Dkt. Angelina Lutambi wakiwa na Viongozi wa Mkoa na Wilaya pamoja na Baraza la Madiwani wa halmashauri ya Wilaya ya Manyoni wakati walipotembelea mradi wa kilimo cha Korosho (Masigati) 12 June, 2019.

MKUU wa Mkoa wa Singida Dkt. Rehema Nchimbi amezipongeza Halmashauri zote za mkoa wa Singida kwa kupata hati safi, kutoka kwa Mkaguzi na Mdhibiti Mkuu wa Hesabu za Serikali (CAG).

Dkt. Nchimbi, ametoa pongezi hizo wakati akizungumza katika kikao Maalum cha Baraza la Madiwani cha hoja za ukaguzi kilichofanyika katika ukumbi wa zamani wa Halmashauri ya Wilaya ya Iramba mkoani Singida.

Amesema, Watumishi na Watendaji  ni waajiriwa wa Serikali  iliyoko madarakani, ni lazima wawe waaminifu na waadilifu kwani ndiyo inayowalipa mshahara.

‘’Ukiona mahali kuna hoja za ukaguzi, ujue kiwanda cha kuzalisha  hoja ni watumishi na watendaji,  sisi watumishi na watendaji tukikaa vizuri hakutakuwa  na hoja, ninyi ambao hamkuwepo wakati hoja za ukaguzi zilipokuwa zinazalishwa na watendaji waliopita onyesheni mfano basi msiwe na dhana ya kukariri, kunakilishwa halafu ninyi wenyewe hamuonyeshi mabadiliko, hivyo inawapasa kuonyesha kwamba sisi hatuna hoja ndipo hapo tutakapokutana na kujipongeza kwamba tumepata hati safi’’ Dkt. Nchimbi

Amesema, ni lazima watumishi na watendaji wazingatie hasa kwa utumishi wa awamu ya tano, awamu ambayo si ya maslahi binafsi bali ni ya  kutekeleza   agenda za kitaifa.

‘’Sisi sote ni wasaidizi wa Mheshimiwa. Dkt. John Pombe Magufuli, Rais ambaye hafanyi kazi kwa maslahi yake, hivyo inawapasa kuwa makini sana katika utendaji  wenu”. Amesisitiza Dkt. Nchimbi

Aidha, Mkuu huyo wa Mkoa wa Singida amezipongeza kwa dhati Halmashauri zote za Mkoa wa Singida kwa kupata hati na kuwataka kuendelea kufanya kazi kwa bidii katika kuwatumikia Wananchi na Taifa kwa ujumla.

Kwa upande wake, Katibu Tawala wa Mkoa wa Mkoa wa Singida Dkt. Angelina Lutambi, amesema kuwa kuna hoja zingine  hazikuwa za lazima bali ni uzembe wa watendaji  ambao hawakuwa makini  katika kutekeleza majukumu yao.

Naye Mkurugenzi Mtendaji wa Halmashauri ya wilaya ya Iramba Bw. Linno Mwageni, aliwasilisha hoja za ukaguzi 64  na kutoa taarifa ya Halmashauri hiyo kupata hati safi kwa mwaka wa fedha 2017/2018. 

MATUKIO KATIKA PICHA 
WAKATI WA ZIARA YA MKUU WA MKOA WA SINGIDA KUTEMBELEA MASHAMBA YA KILIMO CHA KOROSHO, WILAYANI MANYONI.





IMETOLEWA NA,
KITENGO CHA HABARI NA MAWASILIANO,
OFISI YA MKUU WA MKOA
SINGIDA

Sunday, June 02, 2019

MASHINDANO YA UMISSETA NGAZI YA MKOA, YAMEZINDULIWA KWA KISHINDO, MKOANI SINGIDA


Mkuu wa mkoa wa Singida Dkt. Rehema Nchimbi, amezindua mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.

Akizindua mashindano hayo, Mkuu wa mkoa wa SINGIDA Dkt. REHEMA NCHIMBI amehimiza suala la nidhamu kwa wachezaji na kusisitiza kuwa  anaimani kuwa wachezaji watakaochaguliwa kwenda kuuwakilisha mkoa kwenye mashindano ya taifa yatakayofanyika mkoani Mtwara watafanya vizuri ili kuibuka na medali nyingi na kuuletea heshima mkoa wa SINGIDA. 

Dkt. Nchimbi amesema, Michuano hii ndio itakuwa chemichemi ya kuchagua  wachezaji ambao wataenda kuuwakilisha mkoa wa SINGIDA katika michuano ya Umisseta ngazi ya Taifa huko mkoani MTWARA na Viongozi wa mkoa wa SINGIDA wamesema wanaimani kubwa kuwa timu ambayo itachaguliwa itakuwa bora na itafanya vyema kwenye michuano hiyo.

"Hatuna timu nyingine, timu ni hii hapa, ninyi ndio timu yetu ya mkoa wa Singida. mimi sina timu nyingine, na sio timu ya mzaha ni timu ya ushindi"
"Mnauwezo, na lazima mkafanye vizuri, mtakapo kuwepo na sisi tupo. tunachotaka ni kimoja tuu... ushindi. " Amesema Dkt. Nchimbi

Kwa upande wake Katibu Tawala wa mkoa wa Singida Dkt.  ANGELINA LUTAMBI akizungumza wakati wa uzinduzi huo amesema, mwaka huu mkoa wa Singida umejipanga vizuri katika michuano hiyo ya UMISSETA na kuwataka wachezaji wote walioingia kambini hapo kucheza kwa bidii na nidhamu ya hali ya juu katika michuano hiyo ili kujitangaza na kuuletea sifa mkoa wa Singida katika sekta ya michezo nchini.

"Tunaamini vijana wetu watakapo kamilisha makambi yao hapa na kwenda  kule Mtwara, mwaka huu tutafanya vizuri sana. Ninaamini kwamba tutakapofanya vizuri katika mashindano haya, ndio itakuwa tiketi yetu yakuonekana zaidi kitaifa". Amesema Dkt. Lutambi

Naye, Afisa Michezo na Utamaduni wa mkoa wa Singida Bw. HENRY KAPERA amefafanua jinsi michauno hii ilivyoibua vipaji vya wachezaji wengi ambao wengine wanasakata kabubu kwenye timu kubwa hapa nchini.

"Kuna wachezaji wetu walishacheza michezo ya umiseta miaka MINNE iliyopita, siku hizi wanacheza katika vilabu vikubwa nchini akiwepo Raphael Loti aliyekuwa mchezaji kutoka Halmashauri ya Wilaya Itigi mkoani Singida ambaye kwa sasa anayechezea timu ya Yanga" Amesema Kapera

Pia amemtaja Jeremia Juma anayechezea Tanzania Prisonal ambaye naye alipitia katika michuano hiyo ya Umiseta kutoka mkoani Singida na kuwahimiza wanamichezo hao kujituma wakati wote ili vipaji vyao vipate kuonekana na hatimaye kuwa sehemu ya ajira.

Katika kuhakikisha michuano hii inafanyika kwa utulivu wa hali ya juu Mkuu wa mkoa wa SINGIDA Dkt. REHEMA NCHIMBI amechangia shilingi laki TANO kama hatua ya kuwapa hamasa wachezaji kujiandaa vyema na michuano ya mkoa na ya kitaifa.

MATUKIO KATIKA PICHA





 

 Wimbo wa Taifa ukiimbwa wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.




Burudani zikiendelea wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.


Mkuu wa Mkoa wa Singida Dkt. Rehema Nchimbi akizungumza wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.

Afisa Elimu mkoa wa Singida Mwalimu Nelas Mulungu akizungumza wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.


 Afisa Michezo mkoa wa Singida Bw. Henry Kapella akizungumza wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.


 Mkuu wa Mkoa wa Singida Dkt. Rehema Nchimbi akiteta jambo na Katibu Tawala wa Mkoa wa Singida Dkt. Angelina Lutambi wakati wa uzinduzi wa mashindano ya Umoja wa Michezo kwa Shule za Sekondari UMISSETA ngazi ya mkoa, mkoani Singida kwa kujumuisha wachezaji 700 kutoka halmashauri SABA za mkoa wa SINGIDA.

                                                         IMETOLEWA NA;
KITENGO CHA HABARI NA MAWASILIANO 
OFISI YA MKUU WA MKOA
 SINGIDA.