RC Singida akutana na Naibu Waziri, Ofisi ya Rais, Menejimenti ya Utumishi wa Umma na Utawala Bora, kuangalia maandalizi ya Ujenzi wa Chuo cha Utumishi wa Umma Tanzania.

 

Mkuu wa Mkoa wa Singida Dk. Binilith Mahenge (kulia) akimsikiliza Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deogratius Ndejembi alipomtembelea ofisi kwake.

Mkuu wa Mkoa wa Singida Dk. Binilith Mahenge hivi karibuni amekutana na  Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deogratius Ndejembi alipofanya ziara Mkoani hapo kuangalia maandalizi ya Ujenzi wa Chuo cha Utumishi wa Umma Tanzania (TPSC) ambacho ni  Kampasi ya Singida.

Wakiwa Ofisi ya Mkuu wa Mkoa  Naibu waziri huyo amasema lengo la ziara hiyo ni kukagua shughuli za Ujenzi wa chuo hicho na kutembelea shughuli za TASAF zinazoendelea Wilayani Manyoni.

Amesema Chuo hicho kitakuwa ni msaada mkubwa kwa watu wa Singida na maeneo mengine huku alibainisha kwamba uchumi utapanuka na ajira zitaongezeka.

Mkuu wa Mkoa wa Singida Dk. Binilith Mahenge akizungumza na Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deogratius Ndejembi na baadhi ya viongozi wa chama na Serikali ofisi ya Mkuu wa Mkoa huo.

Kwa upande wake RC. Mahenge ameshukuru  Ujenzi wa chuo hicho na kusema ni hatua kubwa ya maendeleo kwa Mkoa huo.

Aidha amemuomba Naibu waziri huyo kushughulikia changamoto ya watumishi wa Mkoa huo ambao wamekuwa wakikaimu kwa muda  mrefu pasipo kuthibitishwa.

Hata hivyo RC akamueleza Naibu Waziri huyo changamoto ya uhaba wa walimu na madaktari Katika Mkoa huo huku akibainisha kwamba ongezeko la madarasa na vituo vya Afya vilivyomalizika hivi karibuni kumeleta uhitaji mkubwa wa walimu na manesi.

Mwenyekiti wa CCM Mkoa wa Singida Alhaji Juma Kilimba akizungumza wakai wa kikao hicho.

Mkuu wa Wilaya ya Singida Mhandisi Paskas Muragili akizungumza wakati wa kikao hicho

Kikao kikiendelea